Տորթեր - Տորթեր - Խոհանոց - Каталог статей - Շուշան Հակոբյանի Անձնական ԿայքԷջ
Главная » Статьи » Խոհանոց » Տորթեր

Տորթեր

ՏՈՐԹ «ՄՐԳԻ ԲԼՈՒՐ»

Մրգի բլրակձու – 4 հատ,
շաքարավազ – 2 բաժակ,
ալյուր – 1 բաժակ,
թթվասեր – 500 գ,
յոգուրտ – 500 գ,
ժելատին – 25 գ,
պահածոյացված դեղձ – 1 տուփ,
պահածոյացված արքայախնձոր – 5 օղակ,
կակաո – 1 ճ.գդ.


Սպիտակուցները դեղնուցներից զատել, հարել: Ավելացնել դեղնուցները, շաքարավազը: Ապա լցնել ալյուրը, կակաոն: Տապակի տակ յուղաթուղթ դնել, լցնել խմորը: Թխել կես ժամ տաք ջեռոցում: Ժելատինը թրջել արքայախնձորի հյութի մեջ: Տաքացնել գոլորշու վրա: Թթվասերը յոգուրտի հետ խառնել: Ավելացնել մի ճաշի գդալ շաքարավազ և հովացած դոնդողը: Կրեմը պատրաստ է: Դեղձերը մանր կտրատել: Խմորը կիսել: Մի կեսը մանրացնել և խառնել դեղձերին: Վերցնել խորը աման, տակը շարել արքայախնձորի օղակները, վրան լցնել մի քիչ կրեմ: Լցնել մի փոքր դեղձով խմոր: Վրան ծածկել կրեմով: Վրան դնել խմորի երկրորդ շերտը, որի վրա նախապես լցված էր արքայախնձորի հյութ: Տորթը դնել սառնարանի մեջ: Զարդարել մրգով և հատապտուղներով:

ՏՈՐԹ «ԴԵՂՆԱՄԱԶԻԿ»

Տորթ «Դեղին»շաքարավազ – 2 բաժակ,
մեղր – 3 ճ. գդ.,
ձու –  2 հատ,
բուսայուղ –  1 թ.գդ.,
սոդա –  1 ճ.գդ.,
ալյուր –  4 բաժակ,
յուղալի թթվասեր  - 0,5 լ

Սառը թթվասերին ավելացնել մեկ բաժակ շաքարավազ և հարել: Շատ կարևոր է, որ թթվասերը յուղոտ լինի, կրեմն այդ դեպքում թանձր է ստացվում: Խմորի համար վերացնել 1 բաժակ շաքարավազ, բուսայուղ, ձուն, մեղր և սոդա, խառնել: Խմորը դնել գոլորշու վրա: Եփել 15-20 րոպե, անընդհատ խառնել, մինչև այն շատանա մոտ տասն անգամ: Զանգվածին ավելացնել  4 բաժակ ալյուրը, հունցել, բաժանել 9-12 մասի: Գնդեր անել: Ամեն գունդը մտցնել ալյուրի մեջ, բարակ բացել, կլոր կտրել:Խմորը հեշտ է բացվում, երբ դեռ տաք է: Եզրերի ավելցուկը նույնպես պետք է թխել, փշրել զարդարելու համար: Խմորի շերտերը թխել 200 աստիճանում: Որպեսզի խմորները շուտ չչորանան, ջեռոցի մեջ դնել ջրով տարա: Հերթով թխված շերտերին քսել թթվասերով կրեմից: 

Երբ բոլոր շերտերը դրվեն, մնացած կրեմը քսել վրան, ցանել խմորի փշուրները: Դնել ողջ գիշեր սառնարանի մեջ:


ՏՈՐԹ «ՌՈՄԵՈ-ՋՈՒԼԻԵՏ»


Տորթ «Ռոմեո և Ջուլիետ»խմոր.
շաքարավազ – 1,5 բաժակ,
թթվասեր – 1,5 բաժակ,
ձու – 2 հատ,
ալյուր – 2 բաժակ,
սոդա – 1 թ.գդ.,
կակաո – 1 ճ.գդ.,
կրեմ.
կարագ – 200 գ,
խտացրած կաթ – 1 տուփ,
ընկույզ – 5-6 հատ

Ձուն հարել, ավելացնել շաքարավազը: Սոդան խառնել թթվասերին, թողնել բարձրանա, խառնել ձվին: Աստիճանաբար ավելացնել ալյուրը: Խմորը կիսել, մի մասին խառնել կակաո: Թխել երկու շերտերը  180*С-ում մինչև ոսկեգույն դառնան: Կրեմի համար 200 գ կարագը հարել, խառնել մեկ տուփ եփած խտացրած կաթին, ավելացնել 5-6 հատ բոված, ապա մանրացրած ընկույզը: Շերտերին կրեմ քսել, տորթի երեսին ու կողքերին քերած շոկոլադ շաղ տալ: Կարելի է կեսը զարդարել սպիտակ, կեսը` սև շոկոլադով:


ՏՈՐԹ «ՍՈՒՐՃԻ ՍԻՄՖՈՆԻԱ»

Սուրճի սիմֆոնիաձու – 4 հատ,
լուծվող սուրճ – 2 թ.գդ.,
ջուր – 1/2 բաժակ,
ալյուր – 1 բաժակ,
շաքարավազ – 0.75 բաժակ,
փխրեցուցիչ –  0.75 թ.գդ.,
աղ – 0.5 թ.գդ.,
բուսայուղ համահոտազերծված – 1/4 բաժակ,
վանիլ – 0.5 թ.գդ.,
սև շոկոլադ,
կիտրոնաթթու – 1/4 թ.գդ.
կրեմ.
սերուցք 35% – 400 մլ,
կաթնաշոռ – 1 տուփ (200գ),
թթվասեր – 100 գ,
շաքարի փոշի – 100 գ

Սուրճը տաք ջրում լուծել, շոկոլադոը քերիչով մանրացնել: Ալյուրը, շաքարավազը, փխրեցուցիչը, աղը խառնել: Խառնուրդի բլրակի վրա փոս անել, լցնել բուսայուղը, վանիլը, սուրճը, դեղնուցները: Խառնել, ավելացնել քերած շոկոլադն ու նորից խառնել: Կիտրոնի աղի հետ հարել սպիտակուցները միչև անշարժանան, խառնել խմորին: Զգույշ խառնել, որ սպիտակուցը «չնստի»: Տապակի մեջ յուղաթուղթ դնել, լցնել խմորը: Թխել 180 աստիճանում 60 – 70 րոպե: Սառչելուց հետո այնպես կտրել, որ երեք շերտ ստացվի: Կրեմի համար կաթնաշոռը խառնել շաքարի փոշուն, թթվասերին, հարել: Սերուցքը առանձին հարել: Կաթնաշոռն ու սերուցքը խառնել: Կրեմը քսել խմորի շերտերի, դնել իրար վրա, կեղքերը նույնպես պատել կրեմով: Զարդարել կակաոյով և շոկոլադով:


ՏՈՐԹ «ԷՍԿԻՄՈ»

Տորթ «Էսկիմո»բիսկվիթ.
ձու – 4 հատ,
շաքարավազ – 1 1/2 բաժակ,
ալյուր - 1 բաժակ,
ընկույզ - 1 բաժակ,
փխրեցուցիչ - 1/2 թ.գդ.,
կրեմ.
շաքարավազ - 1 բաժակ,
ալյուր - 2 ճ.գդ.,
ձու  - 2 հատ,
կաթ - 1 բաժակ,
կարագ - 300 գ,
գլազուր.
կակաո –  4 թ.գդ.,
շաքարավազ - 4 ճ.գդ.,
թթվասեր - 4 ճ.գդ.,
կարագ - 50 գ

Դեղնուցները սպիտակուցներից առանձնացնել, հարել շաքարավազի հետ, ասպիտակելուց հետո ավելացնել 10 ճաշի գդալ սառը ջուր, փխրեցուցիչին խառնած ալյուր, մանրացված ընկույզ, խմոր ստանալ: Ձվի սպիտակուցները հարել, միացնել խմորին գդալ-գդալ: Յուղած տապակի մեջ յուղաթուղթ դնել, լցնել խմորը,  40 րոպե թխել 200 աստիճանում: Կիսել երկու շերտի: Կրեմի կաթը խառնել ալյուրի, շաքարավազի, ձվերի հետ, եփել մարմանդ կրակով մինչև թանձրանալը: Կրեմը սառեցնել, ավելացնել հարած կարագը: Լավ հարել, որ ստացվի համասեռ և փքուն զանգված: Խմորին կրեմ քսել, դնել իրար վրա, կողքերին ևս կրեմ քսել: Գլազուրի համար խառնել կակաոն, շաքարավազը, թթվասերը, տաքացնել, մինչև շաքարը հալվի: Ավելացնել կարագը, խառնել: Տաք գլազուրը լցնել տորթի վրա, դնել սառնարան:



ՏՈՐԹ «ԲԱՎԱՐԻԱ»

«Բավարիա»խմոր.
ձու – 6 հատ,
շաքարավազ – 2 ճ.գդ.,
շոկոլադի պուդինգ,
սպիտակ կրեմ.
սերուցք – 1.5 բաժակ,
կաթ – 2 բաժակ,
շաքարավազ – 2 գդ.,
վանիլային պուդինգ,
քաղցր մածուկ.
ձու –  2 հատ,
ցանկացած շոկոլադ – 150-200 գ

Սպիտակուցները դեղնուցներից առանձնացնել, հարել շաքարավազի հետ: Հետո սպիտակուցին խառնել շոկոլադի պուդինգը, դեղնուցները: Թխել միջին ջերմաստիճանով 30-35 րոպե: Սպիտակ կրեմ. խառնել բոլոր բաղադրիչները, սառչելուց հետո քսել խմորին: Շոկոլադե մածուկը պատրաստելու համար գոլորշու վրա դնել շոկոլադով սոտեյնիկը: Հարել սպիտակուցները, աստիճանաբար ավելացնել հալված շոկոլադը, դեղնուցները: Խառնել, լցնել տորթի վրա: Դնել սառնարանի մեջ:



ՏՈՐԹ «ԲՈՍՏՈՆ»

bostonձու – 5 հատ,
ալյուր – 3/4 բաժակ,
շաքարավազ – 3/4 բաժակ,
փխրեցուցիչ – 1/2 թ.գդ.,
աղ – 1/4 թ.գդ.,
կաթ – 3 ճ.գդ.,
կարագ – 2 ճ.գդ.,
կրեմ.
դեղնուց – 3 հատ,
շաքարավազ – 2 ճ.գդ.,
սերուցք – 1 բաժակ, 30%
վանիլի էսենցիա – 1/2 թ.գդ.,
գլազուր.
շոկոլադ – 150 գ,
սերուցք – 2 ճ.գդ.,
ջուր – 2 ճ.գդ.

Երեք ձվի դեղնուցները սպիտակուցներից առանձնացնել: Կարագը տաք կաթի մեջ հալեցնել, թողնել սառչի: Երեք դեղնուցին խառնել երկու ձու, 6 ճաշի գդալ շաքարավազ, հարել 10-15 րոպե: Սպիտակուցը առանձին հարել, ավելացնել շաքարավազը և հարել, մինչև անշարժ զանգված ստացվի: Սպիտակուցը աստիճանաբար ավելացնել դեղնուցներին: Զգուշորեն խառնել ալյուրը, աղն ու փխրեցուցիչը:Ավելացնել նաև կաթը: Երկու նույն չափի տապակները յուղել, ալյուր ցանել, խմորը երկու մասի բաժանել և լցնել տապակների մեջ: Թխել 170 աստիճանի ջեռոցում  20-30 րոպե: Կրեմի համար սերուցքը տաքացնել, չեռացնել: Դեղնուցը հարել շաքարավազի հետ: Ավելացնել սերուցքը, խառնել: Կրեմի ամանը դնել եռացող ջրով կաթսայի վրա, եփել 25- 35 րոպե: Երբ պատրաստ լինի, պիտի դոնդողի պես դողդողա: Սառեցնել սառնարանում երկու ժամ, հետո հարել, մինչև հարթ զանգված ստացվի:Կրեմը քսել մի շերտին, ծածկել մյուսով: Տորթը դնել սառնարանի մեջ, պատրաստել գլազուր: Սերուցքն ու ջուրը եփել, ավելացնել շոկոլադը: Գլազուրը լցնել տորթի վրա, հարթեցնել, վրան ցանել խմորի փշուրներ կամ մանրացրած ընկույզ:


ՏՈՐԹ «ՎԻԿՏՈՐՅԱ»


Վիկտորյախմորի համար.
ձու – 5 հատ,
կակաո – 2 ճ.գդ,
շաքարավազ – 1 բաժակ,
ալյուր – 1 բաժակ,
վանիլային շաքարավազ – 1 տուփ,
կրեմ.
կարագ – 125 գ,
շաքարավազ – 250 գ,
կաթ – 3 ճ.գդ., 2,5%
աղ – մի պտղունց,
վանիլային շաքարավազ – 1 թ.գդ.,
զարդարանք.
բալեր
սերուցք – 50 գ, 20%
սև շոկոլադ – 50 գ,
նուշի փշուրներ,
մաստիկա ըստ ցանկության
Ջեռոցը տաքացնել 175С: Սպիտակուցները հարել շաքարավազի հետ: Ավելացնել դեղնուցները, կակաոն, ալյուրը, վանիլային շաքարը: Տապակը յուղել, յուղաթղթով ծածկել: Թխել 175С ջերմության ջեռոցում մինչև պատրաստ լինի: Փափկած կարագը հարել շաքարավազի հետ: Վանիլը, աղը խառնել կարագին: Ավելացնել կաթը և խառնել մոտ հինգ րոպե: Պատրաստի կրեմը քսել խմորին: Տարթը դնել սառնարանի մեջ: Սերուցքը մի փոքր տաքացնել, շոկոլադը հալեցնել խառնելով, մինչև հարթ զանգված ստացվի: Վերցնել կրակից և լցնել տորթի վրա, հարթեցնել: Զարդարել բալերով, սերուցքով, մաստիկայից պատրաստված զարդերով և նուշի փաթիլներով: Եթե այդ բոլորը ձեռքի տակ չկա, փոխարինել այլ զարդարանքներով, օրինակ` կոնֆետիով:

ՏՈՐԹ «ԱՐԵՎԱԾԱՂԻԿ»

Արևածաղիկսերուցք միջուկի համար - 3 ճ.գդ.,
շաքարավազ միջուկի համար- 3 ճ.գդ.,
ալյուր - 300 գ,
ձու - 2 հատ,
կաթ - 100 մլ,
մարգարին - 150 գ,
շաքարավազ - 200 գ,
փխրեցուցիչ - 2 թ.գդ.,
լալա (мак) - 100 գ,
պահածոյացված դեղձ միջուկի համար- 1 տուփ,
արևածաղկի սերմեր միջուկի համար- 100 գ,
մեղր միջուկի համար - 2 ճ.գդ.

Թասի մեջ խառնել մաղած ալյուրը, փխրեցուցիչը, շաքարավազն ու վանիլինը: Ուրիշ ամանի մեջ խառնել ձուն, կաթը, հալած մարգարինը: Ջրիկ զանգվածը լցնել չոր խառնուրդի վրա: Ավելացնել լալան ու խառնել: Տապակը յուղել, խմորը լցնել մեջը: Տեղադրել  180С տաքացրած ջեռոցի մեջ և թխել մոտ 25 րոպե: Թողնել, որ հովանա տապակի մեջ: Դեղձերը քամել, շերտերի վերածել: Միջուկի համար փոքր կաթսայի մեջ լցնել մեղրը, շաքարավազն ու սերուցքը: Երբ շաքարը խառնվի, ավելացնել արևածաղկի սերմերը: Երկու-երեք րոպե այդ խառնուրդը եփել, անընդհատ խառնել: Եթե ջրիկ ստացվի, էլի արևածաղիկ ավելացնել: Խմորը հանել ջեռոցից, շուրջը շարել դեղձի շերտերը: Խմորի կենտրենում գդալով դնել միջուկը: Թխել ջեռոցում ևս 15-20 րոպե:


                                 ՏՈՐԹ «ՓԽՐՈՒՆ ՏՆԱԿ»


Տորթ «Տնակ»խմոր.

ձու – 2 հատ,
շաքարավազ – 1 բաժակ,
մեղր – 2 ճ.գդ.,
օղի – 2 ճ.գդ.,
սոդա – 2 թ.գդ.,
կարագ – 50 գ,
ալյուր – մոտ 2  բաժակ,

պահածոյացված բալ – 2 բանկա,
կոկոսի փաթիլներ,

կրեմ 1.
եփած խտացրած կաթ – 1 տուփ,
սերուցք – 600 մլ,

կրեմ 2.
թթվասեր – 500 մլ,
շաքարավազ – 1 բաժակ

Ձուն հարել շաքարավազի հետ, ավելացնել մեղրը, օղին, սոդան, կարագը: Դնել եռացող ջրի գոլորշու վրա: Խառնել, երբ խմորը բարձրանա, ավելացնել  1 բաժակ ալյուր և արագ խառնել: Երբ նորից բարձրանա, հունցել խմորը` այնքան ալյուր ավելացնելով, որ ստացվի հարթ, էլաստիկ խմոր: Այն չպիտի ձեռքերի կպչի: Առաջին կրեմի սերուցքը հարել, մինչև պնդանա, աստիճանաբար խառնել եփած խտացրած կաթը: Երկրորդ կրեմի համար թթվասերը հարել շաքարավազի հետ, մինչև այն հալվի: Խմորը բաժանել  15 մասի: Ամեն մասը բացել 25х5 սմ մեծությամբ: Երկարությամբ շարել բալեր և եզրերը վրա բերել, փակել: Թխել 180С տաք ջեռոցում: Շարել նախ  5 գլանակ, կրեմ քսել, հետո դնել չորս խմոր, հետո երեք, երկու, մեկ: Վրան ցանել կոկոսի փաթիլներ:

Категория: Տորթեր | Добавил: Administrator (09.09.2011)
Просмотров: 9841 | Комментарии: 2 | Теги: տորթ, բաղադրատոմսեր, ձևավորում, գլազուր, կրեմներ, տորթեր, խմոր, մրգային | Рейтинг: 4.2/22
Всего комментариев: 2
2 Hasmik   (09.11.2011 16:42)
МАЛАДЕЦЬЬЬЬЬ

1 KaLa   (13.10.2011 18:45)
МАЛАДЕЦЬЬЬЬЬ

Անուն
Էլ փոստ.
Գաղտնաբառ
Նորություններ